إلى السادة فرسان السواد وأشاوس القمع

يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعود

تمـــــــــص فيه يا حلو .. و يمص فيك

------------------------

إلى من يرغب فى الدخول إلى بعض الجحور

سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

------------------------

إلى الشرقاوى

انا كل   يوم   أسمع ........ فلان  عذبوه

أسرح     في    بغداد و الجزاير   واتوه

ما أعجبش م اللي يطيق بجسمه العذاب

و اعجب   من اللي   يطيق   يعذب أخوه
----------------------------

إلى رفاق سيقتحمون بوابات الوطن قريبًا

يا باب  يا   مقفول  ...  إمتي  الدخول

صبرت  ياما   و   اللي   يصبر   ينول

دقيت سنين ... و الرد يرجع لي : مين ؟

لو   كنت  عارف   مين أنا  كنت أقول

--------------------------

الابيات من رباعيات جاهين

صورة الشرقاوى وصورة الشاب المضروب من مدونة واحدة مصرية