اغنية لسلمى
Submitted by nadim on Thu, 12/01/2006 - 22:13.
آه ياسلمى من دموعك الف آه
ده إبتسامتك صوت بلابل
وضحكتك نور حياة
كلمينا يابهية طال عليا الزمان
سمعى بعلو صوتك للحقيقة صوت آدان
كلمينى يا اصيلة ع اللى خانك واستباح دموعك
اللى فرحوا يوم خضوعك
بكرة يبكوا يوم رجوعك
راجعة سالمة,وعدلك لون عيونك
والرموش متكحلة
وثورتك, علمها الاحمر, يمسح دموعك
آه ياسلمى من دموعك
من يقدر يستحمل غيابك
وما ينتظرش يوم رجوعك
آدى كلمة من حبايبك
بدهم كلمة من شفايفك
العدل يوهبهم حياة
يمسحوا حزنك ياسلمى
يكفوكى تقولى آه
آه يا سلمى وآه ... الف آه
»
- Add new comment
- 669 reads
