هاتشى يرحمكم الله
Submitted by nadim on Fri, 17/02/2006 - 20:22.
شوية انفلونزا صغيرين مايفزعوش خالص خاصة ان علاقتى بالفراخ منعدمة لانى نباتى
من حوالى شهر مات الف كتكوت, واعترف كتكوت قاتل بالجريمة زى ماصرح بكدة حلمى التونى فى كاريكاتير نشر فى المصرى اليوم
بعدها ماتت كام فرخة يا حرام,, فى محافظة الشرقية وهمتنا الحكومة انهم بسبب فيروس نيو كاسل, اللى ماعرفوش خالص كل معلوماتى عن نيوكاسل انه بيلعب فيه مايكل رونى وطالب عمرو زكى
بعدين جاه كاس افريقيا خد الموضوع فى الكازوزة, وجت حكاية العبارة والسكر وقانون السلطة المحلية
الحكومة عايزة خبر يشغل والانفلونزا ريحتها فاحت, امبارح شفت فرخة الجيران بتعطس فبلغت منظمة الصحة العالمية ومنظمة الصحة ماكدبتش قالت لرويترز والسى أن ان
هنا اعترفت الحكومة برغم ان رئيس وزرائها نفى من يومين تلاتة
انما اعترفت اخيرا
اهى حدوتة تلهى الناس شوية, اللى مش هتأثر فيه الانفلونزا طبعا, لان مبيدات والى اللى يخليه عملتلنا حصانة وخليك مؤمن على رأى البهظ بيه
واذا كانت ارابيسك خدت بالها من ان موجز اربعة ولا قال حاجة, انا خدت بالى من حاجة انقح الاجتماع الوزارى عن الازمة ضم وزير الدفاع والبئة والداخلية ولم يضم وزير الصحة ويضمه ليه وهو مال اهله مش كفاية عليه سعاد نصر
الحكومة ناصحة اوى اهى حدوتة مش هتكلف كتير واهو سيب الناس تتكلم
عن اذنكم الولية ام عادل بتصرخ جنبى بيقفلولها الدكان, هروح اضربهم وآجى اقولكم
»
- Add new comment
- 533 reads
comment