ياللى فطمتى النديم رديه صغير السن
Submitted by عبدالله النديم on Tue, 28/02/2006 - 22:56.
منذ ما سمعت عن هذا المسلسل الذى قام ببطولته عزت العلايلى وقام بتأليفه يسرى الجندى وانا اتمنى ان اراه, لكن لم يحالفنى ابدا الحظ بذلك كل مااستطعت هو الحصول على تلك المعلومات
واليوم استمعت لاغنية المقدمة والنهاية لهذا المسلسل يغنيها على الحجار ذلك الصوت المصرى الشجى العظيم
الكلمات عظيمة جدا بعظمة النديم ذاته, صعلوك مصر الاول ونديمها وشهيدها وصبها
للاسف لم استطع ان اعرف كاتب تلك الكلمات الرائعة ومن ملحنها, هما بالتأكيد احسوا بروعة مصر وبروعة عبدالله النديم
شيخنا عبدالله نديم, ربما اكون قد أسات لك حين اخترت لنفسى اسمك, ربما, عذرى انى كنت اجتهد وكنت اريد ان اكون محبا لمصر مثلك
شيخنا الجليل ما اصابنى من حسنة فيما اكتب فمن فضلكم انت وعشاق مصر, وما اصابنى من سوء فمن حمقى
واذا اصابك اى سوء منى ومن اختيار نزق مثلى لاسمك, فانى استغفرك يا شيخنا مما اكون قد اقترفت
--------------------------------------
اغنية المقدمة
يالولا دقة اديكى مانطرق بابى
طول عمرى عارى البدن وانتى جلبابى
ياللى سهرتى الليالى يونسك صوتى
متونسة بحس مين يا مصر فى غيابى
ادباتى اراجوز نديم صحبى وخلانى
زجال مهرج مركب صوتى فى لسانى
وصحيت لقيتنى اعرفك وانتى عارفانى
واخدانى من مجلس الضايعين وحطانى
على اعلى منبر يهزك صوتى وادانى
ياللى فطمتى النديم رديه صغير السن
بسكت الجرح يسكت
ينطق التانى
--------------------------
اغنية النهاية
راحل من تانى راحل
تردنى السواحل
فايت قلبى فى حاراتك
فايت صوتى فى سكاتك
وخضرتى فى نباتك
يا مصر وتنى راحل
راحل من تانى راحل
ومهما انزل بلد
بنزلها بالجسد
لكن القلب راحل
له فى السواحل ساحل
ف غيرك مانوجد
فايت قلبى فى حاراتك
سايب صوتى فى سكاتك
وخضرتى فى نباتك
وتنى راحل
راحل من تانى راحل
»
- Add new comment
- 942 reads
يا لولا دقة
يا لولا دقة اديكى ما انطرق بابى
الكلمات لعبدالرحمن الأبنودى
بس معرفش الألحان لمين
شكرا
فعلا شكرا على المعلومة
اعتقد ان الملحن عمار الشريعى بس ده اعتقاد فقط
اعتقاد غير اكيد
الملحن هو عمار الشريعي
انا حاطط لينك
انا حاطط لينك ياوائل ليها رام, تفتح ريال بلاير
انما واضح انك عايزها ام بى 3
فيه برنامج بيحول الريال يلاير لام بى 3 ده اللينك بتاعه
http://shamel.net/soft/?ResourceID=27217&CategoryID=181