حب من غير كلام
Submitted by عبدالله النديم on Fri, 24/03/2006 - 02:02.
مش هتفرق معاك كتير
اصعب شئ فى الدنيا
انك تحس وما تلاقيش
وقت فاضى تستمتع بنعمة الاحساس
يومك مشغول جدا
تصحى الصبح
تغسل وشك من غير صابونة
حاكم لامؤاخذة الصابونة بقت بجنيه
نط بسرعة على السلم وخد بالك
من السلمة اياها
ونط برضه بسرعة على الاتوبيس
اوعى تقع
لاحسن الطريق غرقان
وماحيلتكش غير بنطلون
مزحوم يومك مزحوم
مابتلاقيش وقت مابين الخصم الاول
تلات تيام تأخير
والخصم التانى اللى ماتعرفش خدته ليه
ومابتلاقيش وقت تاخد نفسك
بعد المدير ما يلعن سلسفيلك
وسلسفيل التعليم المجانى
أصعب حاجة لما ما تلاقيش وقت تكره وتغضب وتثور
واصعب حاجة لما تقرر أنك تحب
وانت مش لاقى أى عين فاضية تشوف بيها النور
حب زيى من غير كلام
مش هتفرق معاك كتير
ماهو كل يومك من غير أى حاجة
مع أنك مش لاقى وقت
»
- Add new comment
- 8170 reads
مش تحمد ربنا
رائعه
جميله اوي يا نديم واجمل ما في كلامك دايما الاحساس
مجتمع كل من فيه حقير كل من فيه وضع كل شئ فيه يعوق تطور العواطف الانسانيه .الميول النبيله للقلب .الطيران الحر للفكر
آه
واقعية
آه يا زمن