لما فيروز غنت لحبيبها سألته

هى ليه بتتلفت كتير

من الخوف والحذر والخجل

لما جت ترسم وشه

فكرها بيه صوت الساعة

وماحدش سأل إشمعنى التكة

والتكة بتولد دقة

والدقة بتموت جوة القلب ألف دقة

دقة عايزة تفضل حاضنة ايديه

ودقة لليل اللى بتعشقه

ودقة عايزة تفضل وحدها

مش عايزة ترجع للاربع حيطان

وتنحبس فى الاوضة الضيقة

بيته فى آخر البيوت

وبيتها فى الاول

وبينها وبين بداية المشوار

باب حديد