بحبك مش عارف

هى لمسة ايديك زى بقيت البنات

ولا قلة العشق نست قلبى

انه يحس ؟

بحب صوتك زى مابحب نفس سيجارة وانا خرمان

ولما باجى اروح فى ليلى

واخاف وانا ماشى لوحدى ليطلعلى كلب

بفكر فى صورتك بتونسنى وبحس بالامان

بحبك مش عارف

ولا عارف انتى ايه رأيك فى الموضوع

ولا عايز

كل اللى عايزه

انى أجرب السكر المر بتاع الهوى

وارسم عينيك الواسعين على ورق مناديلى

واتجنن زى أى بنى آدم

وأحــــــــــــــــــــــــب