خوف
Submitted by عبدالله النديم on Sat, 25/03/2006 - 00:26.
01/01/1970 - 02:00
لسه عارفها
بس بسرعة عرفت أحفر مكانى جوة قلبها
وأحفظ تدويرة سواد شعرها
على وشها
وخدت بالى من حركة الخد اليمين
والحاجب الشمال
عديت انفاسها القلقانين
كنت مينا ايديها الخايفة
كنت بيت وحضن ودفا
لسه عارفها
وقدرت افهم بسهولة لغة عينيها
البسيطة من غير تمثيل
والبريئة أوى زى ضحكة الفجر فى وسط السما
فرحانة, زعلانة , سرحانة... بتفكر
ولا بتحسب لسه فاضل قد أيه دقايق
قبل ما تدق الساعات وتنقفل بيبان
وتنتهى الرفرفة
واتعلمت احس بغناها المكتوم
عن الحب اللى طلع من جواى
ووصل لشفايفها
و حسته
بس خايفة تعترف
»
- Add new comment
- 564 reads
- Calendar
worried
hey man, what is all this romance!! I am getting worried about you
Ok , this could be an intro to another happy event in the sphere ;)
Free Soul
مجرد كلام
اهلا انت فينك من بدرى
ده مجرد كلام لا فيه حدث سعيد جى ولا حاجة
انا بتاع القصص القصيرة على رأى عمرو عزت
يا عام بهزر
يا عام بهزر
انت ما صدقت و لا اييه!!
asl kol el naas ba2et ya romansia ya ka2eeba el yomeen dool :D
rabena yedeem el mood el hady wel romansi dah aleek ;)